Чекор по чекор
во дигиталната трансформација
За едно обично одење во маркет ви треба список со производи што ќе ги купите, а пред реновирањето на дневната мора да го оформите буџетот и да го направите планот што, каде ќе стои. И дигиталната трансформација се спроведува со паметно планирање, за кое ви се потребни претходни подготовки и знаење. Информирајте се повеќе пред да ги преземете чекорите!
Треба да знаете...
ЗОШТО ја правите
Организацијата мора да има визија за иднината на компанијата, своите вработени, клиентите или потрошувачите на комплетниот пазар во којшто функционира. Организацијата треба да ја дефинира увереноста во промени, што е многу значајно и за вработените, и за клиентите. Организацијата би требало да го искористи внатрешниот потенцијал и знаење за да го одреди посакуваниот правец за иднината.
Мора да имате стратегија и план
Стратегијата треба да вклучува целосно преиспитување на пазарот, законодавството, регулаторните рамки, како и конкурентноста, а сето ова ќе обезбеди детална процена на моменталната состојба на организацијата, посакуваната состојба во иднината, деталните мерки кои ќе утврдат кога е постигнат успех во секоја од фазите, што треба да се направи поинаку и како тоа ќе се случи.
Да ги одберете правилните решенија за вашиот бизнис
По анализата и дефинирањето на стратегијата, одберете ги вистинските решенија – софтвери, платформи, системи кои може да го сменат вашиот бизнис модел и да ви донесат ефикасност, агилност и поголем профит.
Треба да ги имплементирате решенијата
Имплементирајте ги решенијата во вашите бизнис процеси.
Треба да работите на јазикот и културата
Најефективната компонента на рамката за дигитална трансформација се постигнува кога во организацијата сè се одвива на унифициран јазик. Исто така, треба да се воспостави одреден тек по којшто ќе се одвива дигиталната трансформација во секоја од клучните области на организацијата: луѓе, купувачи, процес, производ, технологија. Неопходно е да се изработи сеопфатна програма што ќе осигури развој на организационата култура и прилагодување на промените.
Да се посветите на анализа на податоци
Редовно анализирајте ги податоците кои ги создава вашиот бизнис. Со анализа на вашите податоци вие имате одлична можност да правите промени за подобрување на дигиталната трансформација на вашиот бизнис.
Да ги следите потребите на индустријата и вашите клиенти
Секогаш бидете подготвени да се приспособувате на потребите на оние кои ги користат вашите услуги, и анализирајте ги дигиталните трендови.
Патека на дигиталната трансформација
1
Разбери ја потребата од дигитална трансформација на твојот бизнис
3
Истражи ја моменталната состојба на дигитални решенија во твојата компанија/бизнис
5
Направи план за примена на дигиталните решенија
2
Анализирај ги потребите на твојот бизнис за дигитална трансформација – кои решенија, кои технологии се потребни за твоите процеси
4
Инвестирај во најнеoпходните дигитални решенија за почеток
6
Анализирај ги процесите и промените кои дигиталните решенија ги прават во твојот бизнис
8
Оптимизирај и развивај се понатаму
7
Користи ги најдобрите практики
Алатки за дигитална трансформација
Цел: Лесна достапност и paperless функционирање
Cloud технологии
Cloud технологии се основаат на групи сервери кои се конектирани преку интернет и имаат за цел својата здружена сметачка моќ да ја посветат на процеси кои ги контролираме од каде било во светот т.е. да имаме еден вид на виртуелен компјутер преку кој ги контролираме тие процеси. Преку конектирање на тие сервери ние можеме да вршиме процеси од било каде во светот, само со пристап до интернет.
Cloud технологиите се применуваат во – чување, споделување, и back up на податоци, анализа на податоци, тестирање на софтвер, и многу бизнис процеси кои зависат од повеќе податоци.
Сервисите базирани на CLOUD можат да се поделат во 3 групи: IaaS, PaaS, SaaS.
Инфраструктура како услуга - Infrastructure as a service (IaaS)
Основниот модел на CLOUD услуга каде на корисникот му се дава можност за користење на информатичка инфраструктура (сервери, мрежна инфраструктура, главно виртуелна платформа, центар за податоци, оперативни системи), без да треба да купува сопствена, туку да изнајмува.
Платформа како услуга - Platform as a service (PaaS)
Услугата се однесува на развојна околина и потребен пакет на софтверски подсистеми. PaaS е ниво над IaaS. Корисникот има контрола над апликациите и на посредничкиот слој, додека сервисот на услугата cloud се грижи за останатите технички слоеви.
Софтвер како услуга - Software as a service (SaaS)
На корисникот му се пружаат можности за употреба на достапни апликации кои се наоѓаат на инфраструктурата на облакот CLOUD услуга. Апликациите се достапни преку интернет од различни уреди на корисникот.
Цел: Брза обработка на податоците
Big Data
Big Data се огромни сетови на податоци кои се чуваат со користење на одредена платформа – CRM софтвери, EPR системи, социјални медиуми, веб страници, апликации и слично. Со обработка на овие податоци преку аналитичките алатки, компаниите кои располагаат со овие податоци учат многу за нивните корисници и преку ова ги развиваат своите стратегии за подобрување на нивните услуги/сервиси.
Big Data технологиите се применуваат во – маркетингот, социјалните науки, програмирање и развивање на софтвер, развивање на нови технологии, статистика и предвидување, како и многу други индустрии.
Цел: Автоматизирано учење и подобрување на технологијата
Machine Learning (Машинско учење)
Машинско учење e процес на развивање на компјутерски системи кои имаат за цел да учат од самите себе, т.е. со самото нивно користење да еволуираат по потребите на нивните корисници. Ова подразбира креирање на комплексни алгоритми кои имаат за цел да ја подобруваат технологијата коишто самите ја сочинуваат.
Машинското учење се применува во – интернет пребарувачите, е-mail технолoгиите, маркетинг, банкарски софтвер и други технологии.
Internet of Things (IoT)
IoT e концептот на поврзување на физички направи со сензори, софтвер или сметачка моќ, кои ги користиме секојдневно со цел да се извлечат корисни податоци и да се подобри корисничкото искуство на истите тие. IoT е основата на денешните smart технологии, кои се повеќе се користат на глобално ниво во сечие секојдневие.
IoT се користи во – безбедносите технологии, развивање на Smart домови и градови, сообраќај, медицината и друго.
Сегменти на дигиталната трансформација
(некогаш и сега)
Kaко до безбедна дигитална трансформација
Сакате да започнете без ризици?
Како да останеме безбедни додека го дигитализираме нашиот бизнис? Еве неколку корисни совети кои може да ви помогнат за почеток.
Користете SSL сертификат за вашата веб страница
Користење на SSL сертификат ви овозможува да го автентицирате идентитетот на вашата веб страница на интернет, како и да има енкриптирана заштита на податоците кои се наоѓаат на таа веб страница. Ова е чекор број еден во заштитата на вашиот бизнис онлајн.
Користете софтвери/платформи од проверени добавувачи
Кога бирате софтвери за дигиталните потреби на вашиот бизнис, најдобро е да верувате на веќе проверени добавувачи на софтвер кои имаат повеќе години искуство во индустријата во којашто работите. Проверените добувавуачи на софтверски услуги со години искуство најчесто ги имаат најбезбедните и нај-user-friendly платформите за вашите конкретни потреби.
Најмете консултант за дигитална трансформација
Процесот на дигитална трансформација честопати не е лесен, и затоа е добро да соработувате со техничко лице кое има познавање од областа на дигиталната трансформација, со цел транзицијата на вашиот бизнис онлајн да биде глатка и безболна.
Инвестирајте во вашите вработ ени
Дигиталната трансформација е дигитализирање на секојдневните бизнис процеси, но сите тие процеси ги водат луѓе. За овие потреби дигиталната надградба на кадарот на една компанија е клучна, како и креирање на компаниска култура на константна дигитална наобразба.
Употреба наместо поседување
Денеска, компаниите што користат дигитални технологии се фокусираат на корисничкото искуство, a не на карактеристиките на самиот производ или услуга што ја нудат. Клиентите, пак, бараат автоматизирани процеси што го олеснуваат животот и затоа иновативноста и дигиталната трансформација се клучни за успешен бизнис модел. За да создадат врска со корисниците, компаниите нудат дополнителна вредност основајќи заедници на луѓе кои ги користат, како нивните производи, така и нивните апликации.
На овој начин денес, многу од производите и услугите не мора да се во сопственост на клиентите, туку само треба да имаат добро корисничко искуство за потрошувачите да сакаат да ги користат. Одличен пример се rent-a-car компаниите кои ги трансформираа своите компании преку апликации за користење на електрични возила ширум светот, со фокус на Европа. Оваа трансформација гради партнерство со клиентите и бара постојан развој и иновации во услугите и капацитетите за дигитална трансформација.