Се наближува примената на новите стандарди во националниот платен промет

Македонската банкарска асоцијација информира дека во текот на ноември започнува примената на новите стандарди во националниот платен промет.

Промените се однесуваат на три работи:

• Нови единствени платни налози што ги заменуваат досегашните ПП10, ПП30, ПП40, ПП50 и ПП53 — и во хартиена и во електронска форма.

• Нови четиризнаковни ознаки за целта на плаќањето, наместо досегашните бројчани шифри.

• Запишување на сметките во ИБАН формат, со додавање на префиксот МК07 пред постојниот број на сметката.

Важно: броевите на постојните сметки не се менуваат. Банките ќе ги приспособат своите системи за електронско и мобилно банкарство.

Компаниите што користат автоматска размена на налози или интегрирани сметководствени системи ќе бидат известени од своите банки за потребните прилагодувања.

Повеќе информации на линкот: МБА — Се наближува примената на новите стандарди во националниот платен промет